足彩分析：FC燕豪芬叹鱼腩客Ｗ开餐

今晚荷乙独脚戏，阿积士青年队主场斗FC燕豪芬。阿积士青年队连战连败，重攻轻守打法令失波数字高企；FC燕豪芬今季联赛未输过，今场遇上「冇骨鱼腩」，客胜有计。（周二凌晨2时开赛）

阿积士青年队今季战绩劲曳，联赛6仗只得1和5负未赢过，依家喺联赛排紧包尾。由於荷甲班霸阿积士向来崇尚进攻，因此青年队亦秉承传统，但佢哋明显攻守失衡，呢6场入咗10粒，喺下游嚟讲绝对系数一数二，甚至多过中游球队迪加史卓普、乌德勒支青年队，可惜失波竟多达20球，单系近4仗，就有3场领先下被逼和或反输，包括上仗对阿尔克马尔反输2比5，呢种有前冇後踢法，实在太过华而不实。

相反，FC燕豪芬虽然位处中下游，入得5粒亦唔叫突出，但佢哋胜在防守稳健仅失2球，开咧後5场联赛录2胜3和，系今季荷乙唯一不败之师，同阿积士青年队可谓截然不同。而且「阿青」志在为一队练兵，唔太重视成绩，连同上季在内，跨季近8仗联赛只得1和7负，FC燕豪芬今仗有餐开。